This page will be the first page to test the overall CMS capability graphicwise and overall layout. we thing will be an opportunity for hararian brother and sisters.
The best part of this and that will be discribed in the future manner 1. 2. 3. 4.
Hôji koot sâtti bêqadle zêgalkho hâsâwâw zalatkhêtalkhube huluf zâya sâtti zaqarabkhulukhûw hacîrbe dâgan âshâkh. Ôr sôr, awinta healthy food mabla’ afêtqânle fâydanatzôw asabatkhûnnâra. Bissi wa bisaya, khudra wa mudra, darâra aynach wâ azzôkutzôm kuchuli wa missir zimsâsalâch, wazana nattu, stroke, isbalbalât zuruf CANCERâch, dam bizât (awinta high blood pressure) wa akkhâm sukkar nattube yiqîhrizâlunatuw qêqalkhûnnâra.
Matkhêtalbêm, hôjile aqarbilakhuzâkh hirqâôt; ikhiy aynâch, dâbbo, rûz wâ pasta mabla’ zâx yukhunâl.
Ikhiy aynâch bâytîm, qamadi, gûs, arab ikhiy, ês, xâfi, rûz wâ yiw zimsâsalâchintayu. Dâbbobêm zaltifêdagayitmalahâl.
United Nation zaqarabêw imdân (awinta report) be, anasagir 55% energy zina carbohydrate-be bâw zitayu hangûrachbe mansa’ yatkhîshâl tabâla.
Akkha’ ziqêqalkho hangûrach; sabahzo nâqiszita wâ Vitamin B, E wa akkhâm zinc, phosphorus, magnesium wa iron be ziyâda zitayâchintayu.
YÎ HANGÛR YITKHÂTARLANAZÂL NATTUYÂCH
Mêgalbêm, yî hangûrachuw mabla’ wazana nattu khaxarzôw yanâqzâl.
Koottâgn, bajîh qaccanat zâlyu (awinta high in dietary fibre) wâ sabahnatzo unus zita (awinta low in fat) hangûrach widla yitkhâtarâlu.
Shiishtâgn, bajîh qaccanat zâlayu hangûrâch sukkar nattu (awinta type 2 diabetes) be yitkhâtarâlu.
Harattâgn, yaqîn zalta istâzôm, bajîh qaccanat zâlayu hangûrâch isahad cancerâchbe yitkhâtaralu yilzâl bisâlôt hal. Yî cancerâchum: maraci, xôx, karsi, wâ prostate (shahat gâr laaybe zâl tûbbo yimaslizâl yukhunâlu.
Hammistâgn, bajîh qaccanat zâlayu hangûrâch dambizâtbe yiqîhrâlu, sabazôm khulqibe yitrakhabzâlu ikhiy aynâch nâqis xirassu halbayu. Yakhnimâm, fabrikabe zidîju ikhiy aynah abzah gira xirassuziyu zâyid zitâle bâyti matqêrah halbana.
The end
|